Plantun de Prouvènço

Pèr coumpara dos planto d'encò nostre

Sedum monregalense & Carex pseudocyperus

Sedum monregalense

Crassulaceae

Nom en français : Orpin de Montereale.

Descripcioun :
Aquéu rasin, di proun rare, trachis sus li roucas, dins li roucaio e esboudèu de mountagno dins lis Aup-d'Auto-Prouvènço (mai coumun en Itàli). Es uno planto renadivo en mato de 5 à 15 cm d'aut que fai proun de tijo esterlo. Li fueio soun sarrado e siegue óupousado, siegue verticilado pèr 4 ço que permés de la destria de si cousino. Li flour blanco soun en pinceloun (courimbo).

Usanço :
Lou rasin-de-Montereale es uno planto aparado marcado sus la listo roujo dins la categourìo LC : soucit minour.

Port : Erbo
Taio : 5 à 15 cm
Fueio : verticilado
Tipe bioulougico : Camefite
Cicle bioulougico : Planto renadivo

Gènre : Sedum
Famiho : Crassulaceae

Ordre : Saxifragales

Coulour de la flour : Blanco
Petalo : 5
Ø (o loungour) flour : 1,5 à 2 cm
Flourido : Estiéu

Sòu : Ca
Autour basso e auto : 800 à 2200 m
Aparado : Noun
juliet à avoust

Liò : Roucas - Roucaio - Esboudèu
Estànci : Mountagnard à Subaupen
Couroulougi : Ouroufito-Èst-Éuroupenco
Ref. sc. : Sedum monregalense Balb., 1804

Queirello(-faus-triangle)

Carex pseudocyperus

Cyperaceae

Àutri noum : Moutouso, Sagneto.

Nom en français : Laiche faux souchet.

Descripcioun :
Aquesto grando queirello trachis en mato de la grosso, en ribo d'estang o de ribiero, prado à rousèu e palunaio. Fai uno espigo masclo e de 3 à 5 espigo femello, pourtado pèr un pecou e que penjon. Se recounèis à sis escaume d'utriculo barbudo e subretout i bè d'aquésti d'aqui long e bifido (fotò). S'arrapon i vèsti un cop maduro. Se recounèis peréu à si lòngui fueio (6 à 12 mm de larjo) qu'an coume un rego au mitan.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 30 à 100 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour : Brunello
Petalo : ges
Ø (o loungour) enflourejado : 5 à 8 cm
Flourido : Printèms - Estiéu

Sòu : Ca
Autour basso e auto : 0 à 700 m
Aparado : Noun
Mai à juliet

Liò : Ribiero - Prado à rousèu - Estang - Palun
Estànci : Mesoumediterran à Mountagnard
Couroulougi : Subrecousmoupoulito
Ref. sc. : Carex pseudocyperus L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Sedum monregalense & Carex pseudocyperus

ges

Coumpara Rasin(-de-Montereale) emé uno autro planto

Coumpara Queirello(-faus-triangle) emé uno autro planto